Hyper realistic චිත්‍ර

 
Hyper realistic චිත්‍ර නමින් හැඳින්වෙන්නේ
ඡායාරූපයක් ඇසුරෙන් ඡායාරූපය ඉක්මවා යන තාත්විකත්වයකින්
දෑසින් දකින ත්‍රිමාණ බවින් යුතුව නිර්මාණය කරන චිත්‍රයක්

මෙහිදී සිදු වන්නේ
කැමරාව තනි ඇසින් කළ නිර්මාණය
දෑසින් දකින ත්‍රිමාණ බවින් යුතුව ප්‍රතිනිර්මාණය කරන්නට
චිත්‍ර ශිල්පියා වෑයම් කිරීමයි..
 
 ඔහුගෙ වෑයම සාර්ථක කරගන්නට නම්
ඔහුට ඉතා ප්‍රබල සංයමයක් අවශ්‍යයි.
එසේම ද්විමාන රූපය ත්‍රිමාණව සිතෙහි ඇඳගෙන
ඒ ත්‍රිමාණ බව අපට විඳින්නට සැලැස්වීම
විශාල අභියෝගයකි.

ඔහු කරන්නෙ ස්වයං නිර්මාණයක් නොවෙන නිසා
ඔහුට මූලික රේඛා ට්‍රේස් කර ගැනීමට නිදහස තියනවා.
ඔහු කරන්නෙ වෙනත් කෙනෙකුගෙ
පූර්ණ නිර්මාණයකට සිය හැකියාවෙන් ජීවය කැවීමක්.

 ඔහුගෙ නිර්මාණයෙ විශාල කොටසක්
ඡායාරූප ශිල්පියා විසින් අවසන් කොට තියනවා.
ආලෝකය සහ අඳුර, තානමය ගුණ, රේඛා, හැඩතල ආදිය
ඡායාරූප ශිල්පියා විසින් සම්පිණඩණය කල ඡායාරූපයට
නව පණක් දෙන්නට චිත්‍ර ශිල්පියා උත්සාහ කරනවා.

ඒ නිසා ඒ නිර්මාණය තුළ
එහි මුල් ලක්ෂණ ට්‍රේස් කිරීමෙන් රැකගැනීම
ඔහුගෙ කාර්යයේ අභිමානයට ගැටළුවක් නොවෙයි.
 

වෘතයක් ඇඳගන්නා ඔහු
සිය හැකියාවෙන් ගෝලයක් නිර්මාණය කරනවා.
 
 බොහෝ Hyper realistic චිත්‍ර
කළු සුදු වර්ණ වලින් සහ පැන්සලෙන් නිමවෙන්නත් හේතු තියනවා,
විශාල ප්‍රමාණයෙන් අඳින ඒ චිත්‍රවල විස්තර එක් කිරීමට යන කාලයත්
වර්ණයෙන් නිමවීමට අවශ්‍ය වන වර්ණ ශක්‍යතාවයත් ඉතා ඉහළයි.

 
ඇත්ත වශයෙන්ම ශිල්පියා ගෞරවාදරයට පත් වන්නේ
මේ චිත්‍රවලට අවශ්‍ය වන සංයමය අද මිනිසුන් තුළ නැති නිසයි.

මුල් ඡායාරූපයේ ජීවය, එහි රිද්මය, එහි කැපී පෙණුන චරිත ලක්ෂණ
තීව්‍ර කරන්නට, තියුණු කරන්නට, උද්දීපනය කරන්නට
ඔහුගේ සංයමය, කැපවීම භාවිතා වුණ තරමට
චිත්‍ර ශිල්පියා ගෞරවාදරයට පත් වෙනවා.

චිත්‍ර ශිල්පියා

Fabiano Millani

පැන්සල හැසිරවීම වුණත් විශාල අභියෝගයක්..

 Artist Emanuele Dascanio

 

 

 

 

 

 =============================================================
Artist Christina Papagianni

 =================================================================

Artist Douglas Mcdougall

 ======================================================================


Artist Franco-Clun

==================================================================

Hyper realistic චිත්‍ර අඳින 
නවක චිත්‍ර ශිල්පීන්ට අභියෝග කිහිපයක්

මේ ස්ටීව් මැක්කරිගේ ඡායාරූපයක්.

මේ ඡායාරූපයෙන් චිත්‍රයක් ඇඳීම ඔබේ චිත්‍ර එකතුවට වටිනා අංගයක් වෙයි..
ඔබට හොඳ අභ්‍යාසයක් වෙයි..

අළුපාට කඩදාසියක් ගන්න
සුදු පැන්සලකින් සුදුපාට අඳින්න..
මෙහි විවිධ තැන්වල
පෘෂ්ඨික ගුණ රැකගෙන අඳින්න..
තානමය ගුණ රැකගන්න..
ආලෝකය හිතට ගන්න..

සියුම් හැඟීම ග්‍රහණය කරගන්න.

මුහුණට වැඩි වටිනාකමක්
රෙදිවලට දෙන්න ඇතිවෙන උවමනාව
පාලනය කර ගන්න..

පොදු උපදෙස්..


Hyper realistic චිත්‍ර අඳින අයට අභියෝගයක්..


මෙහි පහත පළවෙන ඡායාරූපයෙ තියන හැඟීම
ආරක්ෂා කරගෙන Hyper realistic චිත්‍රයක් අඳින්න.

ප්‍රධාන රේඛා Trace කළත් කමක් නෑ.

Hyper realistic අඳින අය Trace කිරීම ප්‍රශ්නයක් නෙවෙයි.

ඩිජිටල් ප්‍රින්ටරයකින් A3 ප්‍රමාණයට
ප්‍රින්ට් එකක් අරන් Trace කරගන්න පුළුවන්..



 මේ ස්ටීව් මැක්කරිගේ තවත්  ඡායාරූපයක්.

ආච්චිගෙ ඉරියව්ව
මෙහි වටිනාම අංගය බව
හැම විටම සිහි කරන්න.

පසුබිමේ අංග
අනවශ්‍ය විදියට මතු නොවෙන්න

ඒ සියල්ල එකක් වශයෙන් පෙනෙන්න අඳින්න.

ඡායාරූප ශිල්පියා
ඒ ගුණය පවත්වාගන්න
සමත් වෙලා තියනවා.

මෙහි විවිධ තැන්වල
පෘෂ්ඨික ගුණ රැකගෙන අඳින්න..
ආච්චිගෙ ඉඳලා බිත්තිය දක්වා
ගැඹුර හිතට ගන්න.

තානමය ගුණ රැකගන්න..

ආලෝකය හිතට ගන්න..


=====================================================

තවත්  ඡායාරූප බලාපොරොත්තුවන්න...