වතුර බින්දුවක් ප්‍රතිනිර්මාණය කරන්න.

.වතුර බින්දු තියන චිත්‍ර අඳින්න කලින්
තනි වතුර බින්දු හරියට ඇඳලා පුහුණු විය යුතුයි..
 .

By Dinuk Janmika‎       FromARTS චිත්‍ර

වතුර බින්දුවක් කියන්නෙ විනිවිද පෙනෙන දෙයක්.


වතුර බින්දුවේ ආලෝක වර්තනය සහ පරාවර්තනය
ආලෝකය, අඳුර හා ඇතුළත පෘෂ්ඨයේ ඇති දේ විශාලනයට බලපානවා.


වතුර බින්දුවට ආලෝකය වැටුණාම
ඒ පෘෂ්ඨය අඳුරු වෙන විදියත්
ආලෝකවත් වෙන විදියත් හඳුනා ගැනීම
නිවැරදිව අඳින්න පහසුවක්..

චිත්‍රයකට අඳින්න කලින්
වතුර බින්දුවක් හරියට දකින්න
 ඔබ සාධක හයක් දැකිය යුතුයි.

1,
වතුර බින්දුව මත ආලෝකය
2,
වතුර බින්දුව මත අඳුර
3,
වතුර බින්දුව තුළ පෘෂ්ඨය මත ආලෝකය
4,
වතුර බින්දුව තුළ පෘෂ්ඨය මත  අඳුර
5,
බාහිර පෘෂ්ඨය මත ආලෝකය
6,
බාහිර පෘෂ්ඨය මත  අඳුර




සැබෑ වතුර බින්දු
විවිධ පෘෂ්ඨ මතුපිට දාලා
ආලෝකය, අඳුර වැටෙන විදිය හදාරන්න..
බලාගෙන අඳින්න.

ඡායාරූප පිටපත් කරද්දි
ඔබට ඒ හුරුව ලැබෙන්නෙ නැහැ..
ඡායාරූප ශිල්පියා ඒ රූපය
එළිය අඳුර වශයෙන් බෙදලා ඉවරයි..
ඔබට තියෙන්නෙ පිටපත් කරන්න විතරයි.

ඒත් සැබෑ වතුර බිංදුවක් අඳිනකොට
ඔබට එහි ත්‍රිමාණ ස්වභාවය හිතට දැනෙනවා.
ආලෝකය අඳුර ඇසට පෙනෙනවා.

වතුර බින්දුවක්
අතේ පිටි අල්ලට දාලා බලන්න..

වියළි අතේ සමත්,
වතුර බින්දුව  තුලින් පෙනෙන සමත් අතර
ලොකු වෙනසක් තියනවා.

ඒ වෙනස ඔබ දැකලා නැහැ..

ඉතින් අඳින්න වෙන්නෙ හිතලුවක්..

වැරදියට ඇඳපු වතුර බින්දු
ඉටිපන්දම් කිරි වගේ පෙනෙන්න පුලුවන්..

වතුර බින්දු දිහා
චිත්‍ර ශිල්පියෙක් විදියට බලල නැති වුණාට
දකින කෙනා සංවේදී නම්
වැරදියට ඇඳපු වතුර බින්දු
වතුර විදියට විඳින්න
ඔහුට බැහැ..

මේ චිත්‍ර ශිල්පියා පැන්සල් ඉරි බොඳ කරන්නට
පින්සල උපයෝගී කරගන්නා අයුරු අපූරුයි.


ඔහු උපයෝගී කරගන්නේ අළු පැහැති කඩදාසියක්..

ඉන් ඔහුගේ කාලය ඉතිරි වෙනවා.

කලු සහ සුදු පැන්සල් වලින්
ආලෝකය සහ අඳුර ඔහු මතු කරගන්නවා.
කොළයේ සුද මතු කරනවාට වඩා
ඒ ක්‍රමය හොඳයි,

පෝට්‍රේට් අඳින අයත් මෙම ක්‍රමය උපයෝගී කර ගන්නවා.
__________________________________________________________

විනාඩි 1 තත්පර 20 සිට නරඹන්න.


මේ චිත්‍ර ශිල්පියාත් පැන්සල් ඉරි බොඳ කරන්නට
පින්සල උපයෝගී කරගන්නවා

----------------------------------------------------------------------------

පහත පළවෙන නිදසුනෙන් දැක්වෙන්නේ
තෙල් සායමින් වතුර බින්දුවක් අඳින ආකාරයයි..

වතුර බිඳු ඇන්දත් ඡායාරූප ගත කළත්
වතුර බිංදු වල හැඩයත් ඒ හැඩ අතර රිද්මයත්
සමස්ත සම්පිණ්ඩණයත්
සුන්දරත්වයට බලපාන බව නිතර සිහිකරන්න.

 මේ නිදසුන් අතර චිත්‍ර, ඩිජිටල් චිත්‍ර මෙන්ම ඡායාරූපත් තියනවා.